ဗလာကျင်းသင်္ချိုင်း ၂၀း ၁-၁၀

နံနက်စောစောအချိန်တွင် သင်္ချိုင်းသို့လာပြီး မာဂဒလမာရိသည် ဝင်ပေါက်တွင်ထားရှိသော ကျောက်တုံးကြီး အား ရွှေ့ထားသည်ကို တွေ့ရှိခဲ့ပါသည်။ ထို့နောက် အရေးကြီးပုဂ္ဂိုလ် တပည့်တော်နှစ်ပါးဆီသို့ ချက်ချင်း လှည့်ခဲ့သည်။ သင်္ချိုင်းသို့ဦးဆုံးရောက်နှင့်ပြီး သခင်ဘုရား၏ရှင်ပြန်ထမြောက်ခြင်းကို တွေ့မြင်သောသူမှာ “ယေရှုချစ်သောတပည့်တော်” ဖြစ်သည်မှာ အံ့သြစရာမဟုတ်ပါ။

ဗလာကျင်းသင်္ချိုင်းထဲတွင် မည်သည့်အရာကို တွေ့မြင်နိုင်သနည်း။ ပေတရုက “ချစ်ရသောတပည့်တော်” မြင်တွေ့ခဲ့သည်အတိုင်း အားလုံးကို မြင်သည်။ သို့ရာတွင် လုံး၀ နားမလည်ပေ။ ထို့နောက် လိပ်ထားသောအဝတ်ကို မြင်တွေ့ရသူမှာ “ချစ်ရသော တပည့်တော်”ဖြစ်သည်။ အချို့မှာ ထိုနေရာတွင် ခေါက်ထားသကဲ့သို့ရှိနေသည်။ အချို့မှာ ပြန့်ကားသည်။ အလောင်းကို မည်သည့်နည်းနှင့်မဆို ဝှက်ထား ခြင်းဖြစ်သည်။ “ချစ်ရသောတပည့်တော်” က “ယုံကြည်” သောအခါ (ဤအကြောင်းအရာ၌ ဤစကားလုံးက မည်သို့ပင် အဓိပယ်ပေါ်လွင်နေစေ) ရှင်ပြန်ထမြောက်ခြင်းယုံကြည်ခြင်း၏ပထမရောင်ခြည်သည် အမှောင် ကမ္ဘာ၏အလင်းတန်းကို စတင်ခြင်းဖြစ်ပါသည်။ သို့ရာတွင် အရာအားလုံးသည် နှင်းဝေစေသောအရာဖြစ်ပါ သည်။

စကားနှစ်ခွန်း ၂၀း ၁၁- ၁၈

မာဂဒလမာရိ၏ ကောင်းကင်တမန်တစ်ပါးကို မြင်တွေ့ရခြင်းသည် ရှင်ပြန်ထမြောက်သောခရစ်တော်ကို ရင် ဆိုင်တွေ့ကြုံရခြင်းအပြောင်းအလဲတစ်ခုဖြစ်ပါသည်။ ဤသည်မှာ အလွန်လှပပြီး စိတ်လှုပ်ရှားစရာ ဇာတ် လမ်းတစ်ပုဒ်ဖြစ်ပါသည်။ အဆုံး၌ စကားနှစ်ခွန်းရှိပါသည်။ ဗလာကျင်းသင်္ချိုင်းနှင့်ကောင်းကင်တမန်မြင်တွေ့ သော်လည်း မာရိသည် သူမသခင်၏သေခြင်းကြောင့် ငိုမြဲငိုဆဲဖြစ်ပါသည်။ ယေရှုပေါ်လာခြင်းကပင် သူမ၏ ဝမ်းနည်းခြင်းကို မဖြေဆည်းနိုင်ပါ။ ယေရှုမိန့်တော်မူသောစကားတစ်ခွန်းဖြစ်သည့် မာရိ၏နာမည်ကသာ သူမ၏သခင်ကို မှတ်မိစေရန် အကူအညီပေးပြီး တုန့်ပြန်နေကျစကားအတိုင်းပဲ သူမ၏သခင်ကို တုန့်ပြန်ခဲ့ပါ သည်။ ဇာတ်ကြောင်းဖြစ်ပွါးမှုကို ဟေဗြဲဘာသာစကားဖြင့် အရေးကြီးစကားလုံးကို ထိမ်းသိမ်းထားပြီး(အာရာ မိတ်စကား၌၊ အလွန်ပြင်းထန်သည်) ဇာတ်လမ်းက ယေရှုသည် လူတို့နှလုံးသားထဲတွင် အစားထိုးမရနိုင် ကြောင်း နွေးဆွေးမှုကို ဖြစ်နေစေသေးသည်။

ယေရှုက ခမည်းတော်ထံသို့ မသွားရသေးကြောင်း ပြောဆိုသည့်စကားကို ပညာရှင်များက ရှင်းပြရန် ကြိုးစား အားထုတ်ကြသော်လည်း အဆင်မပြေဖြစ်နေကြသည်။ ထိုအရာကို များသောအားဖြင့် ဖတ်ရှုရန် မကြိုးစား သင့်ပါ။ ယေရှုပြောသောစကား၌ ပို၍အရေးကြီးသောစကားကိုသာ အလေးပေးဦးတည်သင့်သည်။ ယခုတွင် ယေရှုသည် ၎င်းလုပ်ဆောင်ရမည့်သာသာနာကို ပြည့်စုံစေခဲ့ပြီ။ ထို့ကြောင့် သူ့ခမည်းတော်သည် ယခုတွင် ကျွနု်ပ်တို့၏ခမည်းတော်ဖြစ်လာသည်၊ သူ့ဘုရားသခင်သည် ငါတို့၏ဘုရားသခင်ဖြစ်လာသည်။ ယဇ်ကောင် အဖြစ် တပါးတည်းသောသားတော်ကို ပေးထားသည်။ သို့မှသာ ပျောက်ဆုံးသောလောကကြီးသည် မဆုံးရှုံး ဘဲ ရှိနေမည်ဖြစ်သည်။ သူသည် အသက်ကိုပေးသဖြင့် ထိုအသက်ကို ပြန်ရသည်။

ယေရှုက တပည့်တော်များကို စေလွှတ်သည်။ ၂၀း ၁၉- ၂၃

တပည့်တော်များသည် ကြောက်ရွံ့လျက်ရှိနေကြသေးသည်။ ပိတ်ထားသောတံခါးက သူတို့ထံ ရုတ်တရက် ပေါ်လာပြီး “သင်တို့၌ ငြိမ်သက်ခြင်းရှိပါစေ” ဟုဆိုသော ယေရှုကို မဆီးတားနိုင်ပါ။ ယောဟန်၏ နောက်ထပ် လုပ်ဆောင်ချက်မှာ ဧဝံဂေလိတရားကို ကြဲဖြန့်စေပြီး ဗတ္တိဇံပေးရန် ရှင်မဿဲခရစ်ဝင်ကျမ်း၌ မဟာစေခိုင်း ချက်နှင့်တူညီစေပါသည်။ ယောဟန်က သခင်ဘုရားသည် ၎င်း၏ဒဏ်ရာများကို ထင်ရှားစေပုံ၊ တပည့်တော် များ ဝမ်းမြောက်ခြင်းနှင့်ပြည့်စုံကြပုံများကို အကျဉ်းချုံးဖော်ပြထားပါသည်။ အဓိက ဦးတည်ချက်မှာ တပည့် တော်များကို စေလွှတ်ခြင်းပင်ဖြစ်ပါသည်။ ယေရှုကိုယ်တော်တိုင်ပင်လျှင် ခမည်းတော်က စေလွှတ်ခဲ့ပါသည်။ ယခုတွင် တပည့်တော်များကို စေလွှတ်ခဲ့ပါသည်။ လူ့အစွမ်းအစအားဖြင့်မဟုတ်၊ သန့်ရှင်းသောဝိညာဉ်တော် ၏ တန်ခိုးတော်အားဖြင့်ဖြစ်ပါသည်။ ထိုနည်းတူစွာ၊ လူသားသည် နောက်ဆုံးသောတရားစီရင်ခြင်းတွင် တရားစီရင်မည်။ ထိုအချိန်၌ ကျေးဇူးတော်နိုင်ငံထဲ၌ လူတို့ကို စီရင်ရန် အခွင့်အာဏာများကို အပ်နှင်းပေလိမ့် မည်။ အသင်းတော်သည် ဤနှုတ်တော်ထွက်စကားလုံးများတွင် အခြေခံထားသော ဝန်ခံခြင်း(ဝန်ခံခြင်းနှင့် အပြစ်လွှတ်ခြင်း) ပိုင်ဆိုင်ထားကြောင်းကို အေဒီ ဒုတိယရာစုတွင် ထင်ရှားစေနှင့်ပြီးသားဖြစ်ပါသည်။

ယုံကြည်သော သောမ ၂၀း ၂၄-၂၉

သံသယရှိသော သောမအကြောင်းကို ပြောသောအခါ သမ္မာကျမ်းစာကို အမှားမှားအယွင်းယွင်းဖြင့် မည်သို့ ဖတ်ရှုနိုင်ကြောင်းကို ထင်ဟပ်စေပါသည်။ သူ၏ရေးသားချက်သည် ယုံကြည်သော သောမ အကြောင်း မဟုတ်ဘဲ သံသယရှိသော သောမအကြောင်းကို ရေးသားခြင်းပင်ဖြစ်ပါသည်။ သောမသည် သံသယရှိပြီး နောက် ယုံကြည်ခြင်းကို ပိုင်ဆိုင်လာသော သူဖြစ်ပါသည်။ ခရစ်ဝင်ကျမ်း အစောဆုံးကျမ်းကို ကြည့်ရှုသော အခါ သောမသည် ယေရှု၏ထင်ရှားခြင်းအကြောင်း နားလည်မှုတွင် အခက်အခဲများ ကြုံတွေ့ရသည်။ (၁၁း ၁၆၊ ၁၄း ၅) ယခုတွင် အခြားသူများက သက်သေခံသော ယေရှုခရစ်၏ရှင်ပြန်ထမြောက်ခြင်းကိုလည်း ငြင်း ပယ်ထားပါသည်။ သူသည် ရှင်ပြန်ထမြောက်သော ခရစ်တော်ကို မြင်ရသောအခါ၊ သူသည် အသိဉာဏ်ပွင့် လင်းလာသည်။ ခရစ်ဝင်ကျမ်းတစ်ခုလုံး၌ သူ၏ဝန်ခံခြင်းအကြောင်းကို တွေ့ရှိလာရပါသည်။ ယင်းတို့သည် ခရစ်ဝင်ကျမ်းအကြောင်း အကျဉ်းချုံးလေ့လာမှုတွင် အလွန်အရေးပါသောစကားလုံးများဖြစ်ကြပါသည်။

ခရစ်ဝင်ကျမ်းသည်လည်း ဆုံးခန်းသို့ရောက်သွားပြီ။ ယောဟန်သည် နိဒါန်းစကားဆီသို့ပြန်သွားသောအခါ ကျွနု်ပ်တို့သည် တစ်ပတ်လည်လာပါသည်။ “ဘုရားသခင်ကို အဘယ်သူမျှ မမြင်စဖူးသော်လည်း၊ ခမည်း တော်၏ရင်ခွင်၌ရှိသော တပါးတည်းသော သားတော်သည် ဘုရားသခင်ကို ထင်ရှားစေတော်မူပြီ။” (ယော ၁း ၁၈) – “ငါ၏သခင်၊ ငါ၏ဘုရားသခင်ပေတည်း။”

အဘယ့်ကြောင့် ဤစာအုပ်ရေးရသနည်း။ ၂၀း ၃၀-၃၁

ရှင်ယောဟန်ခရစ်ဝင်ကျမ်း ရေးသားရသည့်အကြောင်းကို ယောဟန်က ရှင်းရှင်းလင်းလင်းပြောပြထားသည်။ အများစုကို ရေးသားမထားပါ။ သို့သော် လုပ်ဆောင်ချက်၏အဓိကအကြောင်းအရာမှာ ဤသို့ပင်ဖြစ်ပါသည်။ ယုံကြည်ခြင်းကို နှိုးထစေရန် ရေးသားထားခြင်းဖြစ်သည်။ သို့မှသာ စာဖတ်သူတို့သည် ယေရှုခရစ်၌ရှိသော အသက်ကို လက်ခံရရှိကြမည်ဖြစ်သည်။ တဖန် နိဒါန်းသို့ပြန်သွားသောအခါ “ထိုနှုတ်ကပတ်တော်၌ အသက် ရှိ၏။ ထိုအသက်သည်လည်း လူတို့၏အလင်းဖြစ်၏။” ဤအခြေအနေတွင် ခရစ်ဝင်ကျမ်းကို ဖတ်ရှုလေ့လာ သောသူများသည် ဧဝံဂေလိသက်သေများဖြစ်ကြသည်။ ထိုအရပ်မှ အမှောင်ကမ္ဘာထဲသို့လင်းလက်သော အံ့ ဘွယ်အလင်းရှိပါသည်။ ထိုအလင်းကို သင်မြင်ပါရဲ့လား။