အင်တာနက်ပေါ်တွင် သမ္မာကျမ်းစာကို ဖတ်ရှုပါ။
ဓမ္မသစ်ကျမ်း (bible.com)

ရှင်ပေါလု၏ ကောရိန္တုသို့ပေးစာ ပထမစောင်နှင့်ပတ်သက် ၍အနက်ဖွင့်ကျမ်း

ရှင်ယောဟန်ပထမစာစောင်

ဓမ္မသစ်ကျမ်းကို မည်သို့ဖွဲ့စည်းခဲ့သနည်း။

ဓမ္မသစ်ကျမ်းသည် ကမ္ဘာပေါ်မှာရှိသော ခရစ်ယာန်များအတွက် အလွန်ပင် အရေးကြီးသော စာအုပ်ဖြစ်ပါသည်။ အတိအကျပြောရလျှင် ၎င်းသည် စာအုပ်တစ်အုပ်မျှသာမဟုတ်၊ မတူညီ သောစာရေးသူများစွာတို့ရေးသားသော စာအုပ်ကို စုစည်းထားသောစာအုပ်တစ်အုပ်ဖြစ်ပါသည်။ ဤသို့စုစည်းထားသောစာအုပ်က ယေရှုခရစ်နှင့်၎င်း၏နောက်လိုက် တမန်တော်များ၏ လုပ်ဆောင် ချက်နှင့်သွန်သင်ချက်များကို တင်ပြထားပါသည်။

ယေရှု၏ရန်သူများ သို့မဟုတ် ရုပ်တုကိုးကွယ်သော သမိုင်းပညာရှင်များက ယေရှုနှင့်ကနဦးအသင်း တော်များအကြောင်းရေးသားချက်များကို ဖတ်ရှုခြင်းသည်လည်း စိတ်ဝင်စားဖွယ်ဖြစ်ပါသည်။ သို့ရာ တွင် ဤကိုးကားချက်များသည် ဖြစ်နေကျဆိုပေမယ့် ဖြစ်ခဲသည်။ သို့ဖြစ်၍ ဖြစ်နေကျဆိုသော် လည်း ယေရှုအသက်တာ၌ဖြစ်ပျက်သောအရာများ၏အထင်ရှားဆုံးသောအဖြစ်အပျက်များနှင့်ဆိုင် သည့် ရာဇဝင်တွင်သည့်အရာကို အဘယ်သူမျှ မငြင်းပယ်နိုင်ကြပေ။

ယေရှုကို မိမိတို့ကယ်တင်ရှင်အဖြစ် သိရှိလာရန် ဓမ္မသစ်ကျမ်းသည် ကျွနု်ပ်တို့အတွက် လုံလောက် သော ရင်းမြစ်တစ်ခုဖြစ်ပါသည်။

ဓမ္မသစ်ကျမ်းကို အသေးစိတ်ကြည့်ရှုလေ့လာသောအခါ မတူညီသောစာအုပ်များပါဝင်ကြောင်းကို သတိပြုမိပေလိမ့်မည်။ ပထမတွေ့ရသောစာအုပ်များမှာ ခရစ်ဝင်လေးကျမ်းဖြစ်သော (မဿဲ၊ မာကု၊ လုကာနှင့်ယောဟန်) တို့ဖြစ်ကြပြီး တမန်တော်တို့၏အကြောင်းအရာစာအုပ်၊ ပေးစာစုစည်း မှုနှင့် နောက်ဆုံးအနေဖြင့် ဗျာဒိတ်ကျမ်း စသဖြင့် တွေ့ရပါသည်။ သို့ရာတွင် မျက်နှာဖုံးတစ်ခုတည်း ဖြင့် ဓမ္မသစ်ကျမ်းတစ်ခုအဖြစ် ဤစာအုပ်များကို မည်သို့ပုံသွင်းခဲ့ကြသနည်း။ မည်သို့စုစည်းခဲ့ကြပါ သနည်း။

ခရစ်ဝင်ကျမ်းများ

ယေရှုသည် တစ်အုပ်တစ်လေမျှ ရေးသားထားခြင်းမရှိ။ သို့သော် သူသည် ရေတွက်မရေနိုင်သော စာအုပ်အတွက် အဓိကသော့ချက်ဖြစ်ပါသည်။ ဤအရာ၏အဓိကအရေးကြီးဆုံးသောအရာမှာ ခရစ် ဝင်ကျမ်းဖြစ်သည်။ ထိုကျမ်း၌ပါဝင်သမျှသည် ခရစ်တော်၏ကိုယ်ရေးအတ္ထုပတ္တိမဟုတ်ပါ။ တခါတရံ ယေရှုခရစ်၏ငယ်ဘဝအကြောင်းများကိုလည်း သိလိုသည်။ သို့သော် ခရစ်ဝင်ကျမ်းက ထိုအ ကြောင်းကို ပြောဆိုထားခြင်းမရှိ။ သူ့မွေးဖွါးခြင်းနောက် ငယ်ဘဝအကြောင်း အနည်းငယ်သာ ဖော်ပြထားပါသည်။ အောက်ဖော်ပြပါအတိုင်း ရှင်ယောဟန်က ရိုးစင်းသောရည်ရွယ်ချက်ကို ခရစ် ဝင်ကျမ်းတွင် ဖော်ပြထားပါသည်။

ဤကျမ်းစာ၌ ရေး၍မထားသော အခြားနိမိတ်လက္ခဏာအများတို့ကိုလည်း ယေရှုသည် တပည့်တော်တို့မျက်မှောက်၌ ပြတော်မူ၏။ ယေရှုသည် ခရစ်တော်တည်းဟူသော ဘုရား သခင်၏သားတော်ဖြစ်တော်မူသည်ကို သင်တို့သည် ယုံမည်အကြောင်း၊ ထိုသို့ယုံ၍ နာမ တော်အားဖြင့် အသက်ကိုရမည်အကြောင်း၊ ဤမျှလောက် ရေးထားလျက်ရှိသတည်း။”
(ယောဟန် ၂၀ း ၃၀-၃၁)

ခရစ်ဝင်ကျမ်းအားလုံးက ယေရှု၏လုပ်ဆောင်ချက်နှင့်သွန်သင်ချက် အနည်းငယ်မျှကိုသာ ဖော် ပြထားပါသည်။ တကယ်တော့ ရက်သတ္တပတ်တစ်ခုကိုဖော်ပြခြင်းသည် သူတို့အသုံးပြုခြင်းထက် သာ၍များသောကွက်လပ်ကို တောင်းဆိုလိမ့်မည်။ ပျောက်ဆုံးသောသူတို့ကို မိန့်တော်မမူဘဲ ထားသောအရာရှိသည်ကို ကောင်းစွာသိသည်။

သူ၏သက်သေခံချက်မှန်သည်ကို ငါတို့သိကြ၏။ ယေရှုပြုတော်မူသော အခြားအမှုအရာ များရှိသေး၏။ ထိုအမှုအရာရှိသမျှတို့ကို အသီးအခြားရေးသားလျှင်၊ မြေကြီးမဆံ့နိုင်အောင် ကျမ်း စာများပြားလိမ့်မည်ဟု ထင်မှတ်ခြင်းရှိ၏။”
(ယောဟန် ၂၁း ၂၅)

ခရစ်ဝင်ကျမ်းကိုဖွဲ့စည်းရာတွင် အောက်ပါစကားစုများကို ခွဲခြားသိမြင်နိုင်သည်။

၁။ ယေရှု၏သမိုင်းလုပ်ဆောင်ချက်။

ယေရှုသည် လူတို့အား သုံးနှစ်ကြာကြာ သွန်သင်ခြင်းအမှုကိုပြုခဲ့သည်။ သူ့သွန်သင်ချက် များကိုနားထောင်ဖို့ ရောက်ရှိလာသည့် ရေတွက်မရနိုင်သောလူများအပေါ် ဖိအားကိုပေးသည်။ ယေရှု၏အချိန်ကာလတွင် ပါလက်စတိုင်းတစ်ခုလုံးသည် ယေရှုအကြောင်းနှင့်ပြည့်နှက်နေသည်။ အထက်တွင်ဖော်ပြထားသည်အတိုင်း သူ့သွန်သင်ချက်များကို ပုံမှန်နားထောင်နေကျလူတို့သည် ဓမ္မသစ်ကျမ်းတွင် မိမိကိုယ်တိုင်ဖတ်ရသည်ထက် ပို၍များသောစကားလုံးကို ကြားခဲ့ကြသည်။ အ ထူးသဖြင့် ဆယ့်နှစ်ယောက်နှင့်ဖွဲ့စည်းထားသော ယေရှု၏တပည့်တော်များဖြစ်ကြပါသည်။

၂။ နှုတ် (ပြောဆိုသော) ရာဇဝင်

ယေရှုသေပြီး ရှင်ပြန်ထမြောက်ပြီးနောက်ပိုင်းတွင် ယေရှုအကြောင်း ပြောဆိုချက်များသည် ပျံ့နှံ့သွားခဲ့သည်။ ယေရုရှလင်ရှိ ကနဦးအသင်းတော်တွင် တမန်တော်များက အမှန်တကယ်ဖြစ် ပျက်ခဲ့သောအရာများကို သိခဲ့ကြသည်။ ၎င်းတို့၏နှုတ်ဖြင့်ဟောပြောချက်များက အသင်းတော်ကို မွေးဖွါးစေသည်။ ဧဝံဂေလိတရား၏အနှစ်ချုပ်မှာ ခရစ်တော်၏လူ့ဇာတိခံယူခြင်း၊ သေခြင်းနှင့် ရှင်ပြန်ထမြောက်ခြင်းပင်ဖြစ်ပါသည်။

၃။ လက်ရေးရာဇဝင်

Tယေရှုကိုယ်တော်တိုင်၏ဟောပြောချက်ကို ကြားနာသောလူအရေအတွက်တို့သည် ယုတ် လျှော့ရန် စတင်ကြိုးစားခဲ့ကြသည်။ အကြောင်းမှာ ယေရှုမိန့်တော်မူသောစကားများကို မှတ်တမ်း တင်လိုကြခြင်းကြောင့်ဖြစ်သည်။ ခရစ်ဝင်ကျမ်းထဲ၌ မှတ်တမ်းတင်ရေးထားခြင်းမတိုင်မှီ ယေရှု၏ စကားလုံးသည် မည်သို့သောအမျိုးအစားများဖြစ်ကြောင်းကို မသိကြပေ။ သို့ရာတွင် အချို့သော လူတို့တွင် ရှိကြသည်။ ဤအရာ၏ထင်ရှားသောအရာတစ်ခုကို လော်ဂျီရာဆော့စ်ဟုခေါ်သည်။ ၎င်းကို ဧဝံဂေလိဆရာမဿဲနှင့်လုကာတို့က အသုံးပြုခဲ့ကြသည်။

၄။ ပြည့်စုံသော ခရစ်ဝင်ကျမ်းများ

ခရစ်ဝင်ကျမ်းကိုရေးသားသောသူများ၏လက်ထဲတွင် မတူညီသောရင်းမြစ်များစွာ ရှိကြပါ သည်။ အကြောင်းမှာ သူတို့သည် ယေရှုအကြောင်းကို ရေးသားနေကြသောကြောင့်ဖြစ်သည်။ ရှေး အကျဆုံးခရစ်ဝင်ကျမ်းကိုရေးသားသူဖြစ်သည့် မာကုက နှုတ်ရာဇဝင်အများအပြားကို စုစည်းထား သည်။ အထူးသဖြင့် ပေတရုသည် မျက်စိဖြင့်မြင်သမျှသောအရာ သွန်သင်ချက်အားလုံးနီးပါးကို ထည့်သွင်းရေးသားထားပါသည်။ မဿဲနှင့်လုကာတို့က မာကုခရစ်ဝင်ကျမ်းကို သိနှင့်ကြပြီးသားဖြစ် သဖြင့် ၎င်းတို့၏ကိုယ်ပိုင်အရင်းအမြစ်ကိုအသုံးပြု၍ ဖြည့်စွက်ကြသည်။ ခရစ်ဝင်ကျမ်းရေးသားသူ များထဲတွင် အငယ်ဆုံးဖြစ်သော ယောဟန်က သူ့ရှေ့ကလုပ်ဆောင်သောသူ၏လုပ်ဆောင်ချက်ကို မျက်စိဖြင့်မြင်၍သိသည်။ မိမိရှုထောင့်ဖြင့် ၎င်းရေးသော ခရစ်ဝင်ကျမ်းကိုရေးသည်။ ထို့ကြောင့် ခရစ်ဝင်ကျမ်းလေးအုပ်သည် နာဇရက်သားယေရှု၏အသက်တာနှင့်သွန်သင်ချက်များ၊ ကျွနု်ပ်တို့အ ပြစ်ကြောင်း ရန်ငြိမ်းစေသောယဇ်ပူဇော်ခြင်း၏သိသာထင်ရှားမှုများကို သိမြင်ဆင်ခြင်စေပါသည်။

ဓမ္မသစ်ကျမ်းရှိခရစ်ဝင်ကျမ်းလေးခုကို အေဒီ ၇၀-၉၀/၁၀၀ ကြား ဝန်းကျင်တွင် ရေးသားခြင်းဖြစ်နိုင် ပါသည်။ ဥပမာအားဖြင့် ယေရှုအသေခံပြီး ရှင်းပြန်ထမြောက်ခြင်းနောက်ပိုင်း ၄၀-၆၀/၇၀ နှစ်များ တွင် ဖြစ်နိုင်ပါသည်။ အတွေးကို လက်တွေ့စမ်းသပ်ကြည့်ကြပါစို့။ လွန်ခဲ့သောနှစ်ပေါင်း ၄၀ ကျော် က ဖြစ်ပျက်ခဲ့သော အဖြစ်အပျက်များအကြောင်းကို ပြောပြနိုင်သောသူရှိနိုင်မည်လား။ နှစ်ပေါင်း ၇၀ အတွင်းဖြစ်ပျက်ခဲ့သောအဖြစ်အပျက်များကို မှတ်မိနိုင်စရာအကြောင်းမရှိ။ ခရစ်ဝင်ကျမ်းသည် ခရစ်တော်၏အချိန်ကာလနှင့်ပို၍ ကျဉ်းမြောင်းသောအချိန်ကာလတွင် ရေးသားထားသည်။

ဓမ္မသစ်ကျမ်းတွင်မပါဝင်သော အခြားခရစ်ဝင်ကျမ်းများကိုလည်း ထိန်းသိမ်းထားပါသည်။ ၎င်းကို အပေါ်ဂလီဖာခရစ်ဝင်ကျမ်းဟုခေါ်ပြီး အသင်းတော်၏အပြင်ဘက်တွင် ထားရှိသည်။ ၎င်းတို့သည် ဓမ္မသစ်ကျမ်းတိုင်းတာသောအရာနှင့်တိုင်းတာသော ခရစ်ဝင်ကျမ်းနောက်ပိုင်းတွင် ရေးသားထား သောကျမ်းများပင်ဖြစ်ကြသည်။ ၎င်းတို့သည် အသင်းတော်များအတွက် အကျိုးမရှိ။ လေ့လာလိုက် စားသူများအတွက်လည်း မှီခိုအားထားလောက်သော ရင်းမြစ်မဟုတ်။ ၎င်းတို့ အကြောင်းပြချက် ကောင်းကောင်းဖြင့် ဓမ္မသစ်ကျမ်းထဲမှ ချန်လှစ်ထားခဲ့သည်။ စိတ်ဝင်စားသောစာဖတ်ပရိသတ် များသည် အင်္ဂလိပ်ဘာသာပြန်ကျမ်းတွင် ၎င်းကို လွယ်လင့်တကူ တွေ့မြင်ခဲ့ကြပြီး အချို့ အချို့ သောစာအုပ်များကို ဖင်လန်ဘာသာအဖြစ်လည်း ဘာသာပြန်ဆိုကြသည်။ (ဥပမာ- သောမခရစ် ဝင်ကျမ်း)

တမန်တော်တို့၏တမန်တော်ဝတ္ထု

လုကာက ၎င်း၏ခရစ်ဝင်ကျမ်းကိုဆက်သည့်အနေဖြင့် ဒုတိယစာအုပ်ကိုရေးသားခဲ့သည်။ ထိုစာ အုပ်တွင် ဧဝံဂေလိတရားသည် ရောမမြို့သို့ မည်သို့ရောက်လာသည်ကို ဖော်ပြထားသည်။ ယင်း သည် ဓမ္မသစ်ကျမ်းတွင် အမှန်တကယ်ဖြစ်ပျက်သော စာအုပ်တစ်အုပ်ဖြစ်သည်။ သို့ရာတွင် သမ္မာ ကျမ်းစာပြင်ပ၌ မတူညီသောတမန်တော်များအကြောင်းကို အများကြီးတွေ့ရှိရသည်။ ဥပမာအား ဖြင့် ပေတရုအကြောင်းနှင့်ပေါလုအကြောင်း စသဖြင့်ဖြစ်သည်။ ၎င်းတို့သည် အခြားဓမ္မသစ်စာအုပ် များထက် နောက်ကျစွာ ရေးသားထားကြပြီး စိတ်ကူးစိတ်သန်းထဲက ထွက်လာသော အကြောင်းအ ရာများကိုလည်း ထည့်သွင်းရေးသားထားကြပါသည်။ ထိုတည်းတူစွာ ဤလုပ်ဆောင်ချက်များကို အင်္ဂလိပ်ဘာသာပြန်ဆိုချက်များဖြင့် စာကြည့်တိုက်တွင် လွယ်လွယ်ကူကူ ရှာဖွေတွေ့ရှိနိုင်ပါသည်။

ပေးစာများ

ဓမ္မသစ်ကျမ်းကိုလေ့လာသောအခါ အရေအတွက်အများစုသည် ပေးစာများဖြစ်ကြသည်။ အများစု မှာ ရှင်ပေါလုရေးသားသော ပေးစာများဖြစ်ကြသည်။ ဤပေးစာများ၏အဓိက မဏ္ဍိုင်မှာ အပြစ်ခွင့် လွှတ်ခြင်းတရား၊ ခရစ်တော်၏သေခြင်းနှင့်ရှင်ပြန်ထမြောက်ခြင်း၌ ဂျူးနှင့်တပါးအမျိုးသားအပေါင်း တို့ရရှိနိုင်သော ဘုရားသခင်၏ဆုကျေးဇူးပင်ဖြစ်ပါသည်။ ဆက်လက်ပြီး ဓမ္မသစ်ကျမ်းတွင် အခြား တမန်တော်များဖြစ်ကြသော ယာကုပ်၊ ယောဟန်၊ ယုဒ၊ နှင့်ပေတရုတို့၏ပေးစာများလည်း ပါဝင် သည်။ ထို့အပြင် ဟေဗြဲသြဝါဒစာစောင်ကိုလည်း အမည်မဖော်ပြသော ဓမ္မပညာရှင်က ရေးသား ထားပါသည်။

ဤပေးစာများသည် တကယ့်လိုအပ်ချက်ဖြင့် ရေးသားထားကြသည်။ ၎င်းတို့၏ရည်ရွယ်ချက်မှာ အ မျိုးမျိုးသော မှားယွင်းသည့်သြဝါဒများနှင့်ပုံစံသစ်အသင်းတော်အကြောင်းကို မှန်ကန်သော ခရစ် ယာန်အသက်ရှင်ခြင်းတွင် သွန်သင်ထားကြသည်။ ဤပေးစာများသည် ခရစ်ယာန်များအတွက် သင့်လျော်ပြီး ယေရှုအကြောင်းနှင့်ပတ်သက်သော တမန်တော်တို့သွန်သင်ချက်ကိုလည်း မှတ်တမ်း တင်ထားကြပါသည်။ သုဒေသနပြုသူများက ပေးစားများစွာ၏ရေးသားချက်ကို မေးခွန်းထုတ်ကြ သည်။ ထိုသို့မေးခွန်းထုတ်ရာတွင် စာရေးသူသည် တင်ပြချက်ကိုလက်ခံသောသူဖြစ်မဖြစ်ကို ဦးစား ပေးကြသည်။ တကယ်တော့ ထိုသို့သောမေးခွန်းမျိုးသည် အဓိက မကျပါ။ ဘုရားသခင်က ဤသို့ သောပေးစာမျိုးကို သမ္မာကျမ်းစာထဲ၌ အခွင့်အရေးတစ်ခုအနေဖြင့် ထည့်သွင်းခွင့်ပြုမည်မဟုတ်။

ဗျာဒိတ်ကျမ်း

ဗျာဒိတ်ကျမ်းသည် သမ္မာကျမ်းစာထဲတွင် နောက်ဆုံးကျမ်းဖြစ်သည်။ ယင်းသည် ဓမ္မသစ်ကျမ်း၌ စစ်မှန်သော စာအုပ်တစ်အုပ်ဖြစ်သည်။ ထိုဗျာဒိတ်ကျမ်းသည် ယောဟန်၏ဗျာဒိတ်ရူပါရုံကို အခြေခံ ပြီး ရေးသားထားခြင်းဖြစ်သည်။ ထိုစာအုပ်အားဖြင့် ညှင်းပန်းနှိပ်စက်မှုအောက်သို့ရောက်နေသော အသင်းတော်ကို နှိမ့်သိမ့်ဖို့ ဖြစ်သည်။ ဤအံ့ဘွယ်စာအုပ်သည် ပုံရိပ်များနှင့်သာဓကများအားဖြင့် ဖွင့်ပြထားပါသည်။ ဓမ္မဟောင်းကျမ်းကို သိရှိနားလည်ခြင်းမရှိလျှင် ဤကျမ်းကို နားလည်ဖို့ မဖြစ်နိုင် ပါ။ သို့ဖြစ်သောကြောင့် ဤစာအုပ်ကို အလွဲအသုံးပြုကြသဖြင့် ကြောက်စိတ်တွေ ပေါ်လာရသည်။ တကယ်တော့ ဤစာအုပ်သည် ကျေးဇူးတော်နှင့်နှိမ့်သိမ့်ခြင်းကိုပေးသော စာအုပ်တစ်အုပ်ဖြစ်ပါ သည်။

ဓမ္မသစ်ကျမ်းကို မည်သို့ဖွဲ့စည်းကြသနည်း။

အထက်က ဖော်ပြခဲ့သည်အတိုင်း ကနဦးအသင်းတော်သည် စာပေရေးရာ၌ ကြွယ်ဝသည်။ ၎င်းတို့ ၏မျိုးဆက်သည် ရောမဘီရှော့ ကလေမင်၊ အန္တီအုတ်ဘီရှော့ အိတ်နီးရှီးယပ်၊ နှင့် ဂျစတင်မာတာ ကဲ့သို့ နှစ်ရာစု သုံးရာစုအထိ တိုင်ခဲ့သည်။ သို့ရာတွင် ၎င်းတို့၏ရေးသားချက်များသည် ဓမ္မသစ် ကျမ်းတွင် ထည့်သွင်းရေးသားခြင်းမျိုးတော့မရှိ။ အနာဂတ်ကိုဟောပြောသည့် ခရစ်ဝင်ကျမ်းများ သို့မဟုတ် တမန်တော်တို့၏ အနာဂတ်ဟောပြောသော တမန်တော်စာအုပ်တွင်လည်း ထည့်သွင်း မထားကြပေ။ သို့ဆိုလျှင် မည်သည့်ရေးသားချက်မျိုးကို ထည့်သွင်းပြီး မည်သည့်ရေးသားချက်မျိုး ကို ဓမ္မသစ်ကျမ်း၌ ပယ်ထားပါသနည်း။

လေးရာစုနောက်ပိုင်း၌ နေရာဒေသအတော်များများက (မွတ်စလင်အသိုင်းအဝန်းအတွင် မကြာ ခဏပေးလေ့ရှိသော ဥပမာ) အသင်းတော်သည် ၎င်းကြိုက်နှစ်သက်သ လို ထည့်သွင်းခွင့် သို့မဟုတ် ထုတ်ပယ်ခွင့်ရှိသည်ဟု အသားပေးဖော်ပြရန် ကြိုးစားအားထုတ်ကြသည်။ သို့ဖြစ်၍ ခရစ်တော်အကြောင်း မူရင်းဖော်ပြချက်များသည် အလိုလို ကွယ်ပျောက်သွားသည်။ ခရစ်ယာန်နယ် ပယ်များလည်း ထိုသို့သောအမြင်များသည် သမ္မာကျမ်းစာထက် အခြားသောစာအုပ်များကို အသားပေးမှုကို စံထားသူများက ဆုပ်ကိုင်ခဲ့ကြသည်။ တကယ်တော့ အသင်းတော်အဖွဲ့အစည်း၏ ဆုံးဖြတ်ချက်များကို အသင်းတော်ဝတ်ပြုစည်းဝေးခြင်း၌ အခြေပြုကျမ်းများကို ဖတ်ရှုရာတွင် အသင်းတော်ထုံးတမ်းဆိုင်ရာရေရှည်လုပ်ငန်း၏ ရှေ့ကျသည်။ ပေါလု၏ပေးစာများစုစည်းထားခြင်း သည် နှစ်တစ်ရာမတိုင်မှီ ကတည်းက ရှိနှင့်ပြီးဖြစ်သည်။ ခရစ်ဝင်ကျမ်းလေးကျမ်းမှာ ဒုတိယရာစု တွင် ၎င်းတို့၏အဆင့်အတန်းကို ညီညီညွတ်ညွတ်ဖြစ်စေသည်။ ဓမ္မသစ်ကျမ်းရှိ အခြားသောစာအုပ် များသည် တချိန်တည်းမှာဘဲ မတူညီသောခရစ်ယာန်နယ်ပယ်များတွင် ၎င်းတို့၏အနေအထားကို တည်ဆောက်ကြသည်။ သုံးရာစုနှင့်လေးရာစုသို့ရောက်လာသောအခါ သန့်ရှင်းသောစာအုပ်စုစည်း မှုနှင့်ပတ်သက်ပြီး ဆွေးနွေးညှိနှိုင်းမှုများရှိလာသည်။ သို့သော် စာအုပ်အနည်းငယ်ကိုသာ ဦးတည် လုပ်ဆောင်ကြသည်။ (အထူးသဖြင့် ဟေဗြဲသြဝါဒစာစောင်နှင့်ဗျာဒိတ်ကျမ်းတို့ဖြစ်သည်။) ဝတ်ပြု စည်းဝေးခြင်း၌ သန့်ရှင်းသောကျမ်းစာကို ဖတ်ရှုသည့်အလေ့ အထရှိသောထုံးတမ်းများနှင့်ဆက် နွယ်သော အသင်း တော်အဖွဲ့အစည်းများသည် (အနောက်ပိုင်းတွင်ရှိသော ဟိုင်ပို- ၃၉၃၊ အရှေ့ ပိုင်းရှိ လောဒီစီရာ- ၃၆၀ )နှစ်နှစ်ရာစော၍ ဖွဲ့စည်းခဲ့ကြသည်။ မိစ္ဆာအယူနှင့် ဆိုင်သောရေးသား ချက်များကို တုန့်ပြန်သောရေးသားချက်တစ်ခုအဖြစ် တစ်စိတ်တစ်ဒေသပါဝင်သည်။ ဓမ္မသစ်ကျမ်း ကိုရွေးချယ်ရာတွင် ဦးဆောင်သည်ဖြစ်၍ ဘုရားသခင်၏ဝိညာဉ်တော်သည် အသင်းတော်ကိုလည်း ဦးဆောင်လမ်းပြမည်ဟု ယုံကြည်ကြသည်။ ဤလုပ်ဆောင်ချက်ကို ကနဦးထုံးတမ်းတလေ့က ထောက်ခံအားပေးသည်။

အသုံးတည့်နိုင်သော စာအုပ်ပေါင်းများစွာကို ဓမ္မသစ်ကျမ်း၌ ထည့်သွင်းထားခြင်းမရှိ။ ဤကျမ်းစာ တွင် ထည့်သွင်းရာထိုက်တန်မှုရှိသော စာအုပ်မှာ ဓမ္မသစ်ကျမ်းထက် ပို၍နောက်ကျသည့်စာအုပ် များပါဝင်သော တမန်တော်ဆိုင်ရာဘိုးဘေးများစာအုပ်စုစည်းမှုပင်ဖြစ်ပါသည်။ ကျွနု်ပ်တို့အတွက်မူ ဤရေးသားချက်များသည် သမ္မာကျမ်းစာနှင့်ကိုက်ညီမှုမရှိပါ။

စာမူများ

ကျွန်တော်တို့သည် ကံမကောင်းစွာဖြင့် မဿဲရေးသားထားသော ခရစ်ဝင်ကျမ်းမူရင်းစာအုပ်သည် လက်ဝယ်မရှိပါ။ ကျွန်တော်တို့သည် မူရင်းစာမူမရှိသောကြောင့် ဆင့်ပွါးကူးယူခြင်းများနှင့် ၎င်း၏ ထပ်ဆင့်ကူးယူခြင်းများကိုသာ အားကိုးအားထားပြုနေရသည်။ ဓမ္မသစ်စာမူတွင်ရှိသော ပြဿနာ တစ်ခုမှာ ခေတ်သစ်သိပံပညာအတွက် နိုင်ငံရပ်ခြားကပြဿနာမဟုတ်။ ရှေးဟောင်းမူရင်းကျမ်း များက ကျွနု်ပ်တို့အတွက် မိတ္တူအနေဖြင့် အသက်ရှင်ခဲ့သည်။ ဓမ္မသစ်ကျမ်းတွင်ဖော်ပြထားခြင်းမရှိ သောစာများသည် မူရင်းစာထက်ပင် များနေကြသည်။ မူရင်းစာများစွာနှင့်ခိုင်းနှိုင်းကြည့်လျှင် ယခုရှိ သောစာမူများသည် ကျွနု်ပ်တို့ယုံကြည်မှုအပြည့်ထားနိုင်သောစာမူများဖြစ်ကြသည်။ ဥပမာအားဖြင့် မဿဲက သူ့ခေတ်သူ့ခါက ရေးသားသောစာမူများ စသဖြင့်ဖြစ်သည်။ မကြာခဏပေါ်လာလေ့ရှိ သော ဤပြဿနာက ကျွန်တော်တို့၏ယုံကြည်ခြင်းကို မထိခိုက်စေနိုင်ပါ။ ဓမ္မသစ်၏မူရင်းဘာသာ စကား(ဂရိ) သည် မတူညီသောမူရင်းစာများကိုအခြေခံပြီး ဂရုတစိုက်နှင့် ပေါင်းစပ်ဖွဲ့စည်းထားကြ သည်။ သို့ဖြစ်၍ အားကိုးအားထားပြုနိုင်သော တမန်တော်တို့ဟောပြောသည့် ဧဝံဂေလိအစစ်အမှန် ပါဝင်သည်။

ဘာသာပြန်ဆိုချက်များ

ဓမ္မသစ်ကျမ်းကို ရှေးဂရိဘာသာစကားဖြင့်ရေးသားထားကြသည်။ သို့ဖြစ်၍ မူရင်းဘာသာစကားဖြင့် ကျမ်းစာကိုဖတ်ရှုနိုင်ရန် သင်းအုပ်အတွက် ကျွမ်းကျင်မှုလိုအပ်ပါသည်။ ပြုပြင်းပြောင်းလဲခြင်းအ တွက် အရေးကြီးသောဦးတည်ချက်မှာ သမ္မာကျမ်းစာကို လူတိုင်းက ၎င်းတို့ဘာသာစကားဖြင့် ဖတ် ရှုနိုင် ရန်ဖြစ်သည်။ သမ္မာကျမ်းစာတစ်ခုလုံး သို့မဟုတ် အစိတ်အပိုင်းများစွာကို မရေမတွက်နိုင် သော ခေတ်သစ်ဘာသာစကားများဖြင့် ပြန်ဆိုကြပါသည်။ ဘာသာစကားသည် ဆယ်စုနှစ်ရာစုနှစ် များတွင် အပြောင်းအလဲရှိလာသည်ဖြစ်၍ ဘာသာပြန်ဆိုမှုအသစ်များလည်း လိုအပ်လာသည်။ နိုင်ငံတကာကိုကြည့်လျှင် ဘာသာပြန်မှုအမျိုးမျိုးကိုတွေ့ရသည်။ အချို့သောဘာသာပြန်ဆိုမှုများ က စာပေမှန်ကန်မှုကိုအထောက်အကူပေးသလို အချို့ကလည်း လွယ်ကူစွာ စကားပြောဆက်ဆံမှု ကို အကူအညီပေးသည်။

ကျွနု်ပ်တို့လက်ထဲ၌ မည်သည့်အရာရှိသနည်း။

ဓမ္မသစ်ကျမ်းသည် လူတို့ရေးထားသောစာများကို စုစည်းမှုတစ်ခုပင်ဖြစ်သည်။ တစ်ဦးဦးက အခြားသူကို ယေရှုမိန့်မူသောစကားကို အလွတ်ကျက်မှတ်ထားသည်။ ထို့နောက် ရေးချထားသည်။ နောက်တစ်ဦးက ရေးသားပြီးသားနှင့်နှုတ်ဖြင့်ကြားခဲ့သောအရာများကို စုပေါင်း၍ ခရစ်ဝင်ကျမ်းကို ရေးသားသည်။ ဤအရာအားလုံးကို သိပံနည်းလမ်းကျကျလေ့လာနိုင်သည်။ အရင်က ဖော်ပြထားခဲ့ သည်အတိုင်း ခရစ်ဝင်ကျမ်းတို့၏မှန်ကန်မှုသည် သိပံရှုထောင့်အားဖြင့်ပင်လျှင် သံသယရှိစရာမလို ကြောင်းတွေ့ရပါသည်။ ဒါတင်မကသေးဘူး။ ဓမ္မသစ်ကျမ်းအားလုံးသည် လူတို့စုစည်းထားသော စာအုပ်တစ်အုပ်မျှသာ မဟုတ်ပါ။

ဓမ္မသစ်ကျမ်းတစ်ခုလုံးအနေဖြင့်ကြည့်လျှင် ကျွနု်ပ်တို့ထံ ဘုရားသခင်၏ဖော်ပြချက်ဖြစ်ကြောင်းကို ယုံကြည်လက်ခံပါ၏။ ကျွန်တော်တို့သည် သမ္မာကျမ်းစာကိုဖတ်ရှုသောအခါ ဘုရားသခင်က စကား ပြောသည်။ ဘုရားသခင်က လူအားဖြင့်မိန့်ဆိုထားသောစကားတိုင်းကို သေချာစေသည်။ ဤအမြင် ကို သိပံနည်းလမ်းဖြင့် အဘယ်သူမျှ လေ့လာနိုင်ခြင်းမရှိပါ။

သို့ဆိုလျှင် ဤစာအုပ်စုစည်းမှုက အခြားဘာသာရေးစာအုပ်များနှင့်မည်သို့ကွားခြားပါသနည်း။ ခရစ် ယာန်တို့၏ယုံကြည်ချက်အရဆိုလျှင် လူတို့သည် ဘုရားသခင်၏နှုတ်တော်ထွက်စကားအဖြစ် ယုံ ကြည်လက်ခံလောက်အောင် ဘုရားသခင့်နှုတ်ကပတ်တော်က အစွမ်းရှိသည်။ လူသားတို့ ဆန့် ကျင်သည့် ညှင်းပန်းနှိပ်စက်ခြင်းပုံစံအမျိုးစုံကလည်း အနိုင်မယူ။ သက်သာလောနိတ်မြို့တွင် ရှင်ပေါလုက ခရစ်တော်အကြောင်းကို ဟောပြေသွန်သင်သဖြင့် လူအများစုက သူဟောပြော သောစကားကို အလေးမထားကြပေ။ သို့ရာတွင် အချို့သောသူများက ၎င်းတို့၏လစ်လျူရှုတတ် သောစိတ်ကို ရပ်တန်းကရပ်လျက် တမန်တော်၏နှုတ်ထွက်အားဖြင့် ဘုရားသခင်၏ခေါ်ခြင်းကို သတိပြုမိကြသည်။

“ငါတို့ဟောပြောသော ဘုရားသခင်၏နှုတ်ကပတ်တရားကို သင်တို့သည် ခံယူကြသောအခါ လူ၏နှုတ်ထွက်စကားကို မခံမယူဘဲ၊ ဘုရားသခင်၏နှုတ်ကပတ်တော်အမှန်ဖြစ်သည်နှင့်အညီ၊ ယုံ ကြည်ခြင်းသို့ရောက်သော သင်တို့အထဲ၌ ပြုပြင်သောဘုရားသခင်၏နှုတ်ကပတ်တရားတော်ကို ခံယူကြသည်အကြောင်းကို ငါတို့သည် ထောက်၍၊ ဘုရားသခင်၏ကျေးဇူးတော်ကို အစည်မပြတ် ချီးမွမ်းကြ၏။”
( ၁ သက် ၂း ၁၃)

ယေရှုကို အကျဉ်းပို့ရန် စေလွှတ်ခြင်းခံရသော မင်းလုလင်များကဲ့သို့ သမ္မာကျမ်းစာကို ဖတ်ရှုသော သူများကလည်း ယနေ့ ကြုံတွေ့ကြရပါသည်။ သို့ရာတွင် သူတို့အားပေးထားသော လုပ်ငန်းတာ ဝန်ကိုတော့ ပြီးမြောက်ကြခြင်းမရှိပါ။

“ထိုအခါ မင်းလုလင်တို့သည် ယဇ်ပုရောဟိတ်အကြီး၊ ဖာရိရှဲထံသို့ပြန်၍၊ ထိုမင်းတို့က၊ အ ဘယ့်ကြောင့် သူ့ကိုမဆောင်ခဲ့ကြသနည်းဟု မေးမြန်းလျှင်၊ မင်းလုလင်တို့က၊ ထိုသူဟောပြော သကဲ့သို့ အဘယ်သူမျှ မဟောစဖူးပါဟု လျှောက်ကြ၏။”
(လုကာ ရး ၄၅-၄၆)

ရှင်ပြန်ထမြောက်သောခရစ်တော်သည် အသက်ရှင်လျက်ရှိသည်။ စိုးစံလျက်ရှိသည်။ သူ့နှုတ်တော် ထွက်စကားသည် ကောင်းကင်နှင့်မြေကြီးမတည်သော်လည်း ကွယ်ပျောက်ခြင်းရှိမည်မဟုတ်။